Sulmuesi i Lazios, Ciro Immobile, ka insistuar se nuk ishte fajtor, pas raportimeve se ai mund të ketë qenë shkaktari i aksidentit.

Lazio e konfirmoi se kapiteni i tyre kishte thyer brinjët dhe kishte dëmtuar shtyllën kurrizore gjatë aksidentit që makina e tij u shkatërrua plotësisht.

Avokati i lojtarit ka lëshuar një deklaratë në emrin e lojtarit, ku ka mohuar që klienti i tij ka bërë ndonjë gabim.

“[Ai] është i lehtësuar që askush nuk pësoi lëndime serioze, i vetëdijshëm në këtë moment se ai u soll në mënyrë korrekte, ai ka besim të plotë tek autoritetet që po përfundojnë hetimin e tyre”, thuhet në deklaratë.

Incidenti ndodhi pasi Immobile kishte shënuar në fitoren 3:0 kundër Spezias të premten në Serie A.

Immobile tani ka 12 gola për Lazion këtë sezon nga 30 paraqitje në të gjitha garat./Arbresh.info/